Zvicra do të bëjë një referendum që mund ta bëjë homofobinë kriminale

Zvicra voton të dielën në një referendum kombëtar që mund të kriminalizojë homofobinë.

Rezultati mund të bëjë që shteti të zgjasë ligjet ekzistuese për të përfshirë gjuhën e urrejtjes ose diskriminimin bazuar në orientimin seksual.

Kompania Coca-Cola në Zvicër ka ndarë publikisht mbështetjen e saj për iniciativën për ta bërë fjalën e urrejtjes anti-homoseksuale të paligjshme.

Por kritikët e ligjit, përfshirë këtu edhe Partinë Popullore Zvicerane, besojnë se legjislacioni i ri mund të censurojë më tej fjalën e lirë.

Silvan Amberg, Bashkë Presidenti i komitetit LGBTI, Sonderrecht NEIN (“Jo të drejtave speciale!”), është shprehur se votimi është më shumë “simbolik” për votuesit zviceranë.

“Nuk ka me të vërtetë një kriter objektiv për të vendosur se çfarë është gjuha e urrejtjes dhe çfarë nuk është në një kuptim të gjerë,” tha ai. “Ne nuk duam një lloj të veçantë ligji që na mbron nga gjuha e urrejtjes.”

“Unë mendoj se duhet të përqëndrohemi në qeverinë që shtyn dialogun për të arritur barazinë sociale.”

Tregimet e hershme tregojnë se Zvicra do ta kalojë referendumin me një shumicë të paktë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.