Zvicra voton të dielën për t’i dhënë fund marrëveshjes me BE për lëvizjen e lirë të njerëzve
Zvicra do të votojë të dielën nëse do t’i japë fund marrëveshjes së saj me BE mbi lëvizjen e lirë të njerëzve, në një referendum që i bënë jehonë fushatës pro Brexit që çoi në vendimin e Britanisë për t’u larguar nga blloku.
Partia më e madhe në parlamentin zviceran, partia e djathtë, anti-imigrim Partia e Popullit Zvicerian (SVP), ka bërë thirrje për votim, duke argumentuar se vendi duhet të vendosë vet kufirin për numrin e të huajve që vijnë për të punuar.
Partia thotë se papunësia midis shtetasve zviceranë do të rritet në mënyrë të pashmangshme ndërsa të huajt e rinj rekrutohen për të zëvendësuar punëtorët më të vjetër zviceranë, kostot e strehimit do të rriten dhe shkollat, transporti dhe shërbimet publike do të mbingarkohen.
Kundërshtarët e tyre thonë se prishja e marrëveshjes së lëvizjes së lirë me BE do të grabisë vendin e punëtorëve të kualifikuar dhe mbi të gjitha do të rrezikojë rrjetin kompleks të më shumë se 120 traktateve dypalëshe që Zvicra – një jo-anëtare – ka me bllokun.
Sondazhet parashikojnë që SVP nuk do të jetë e suksesshme, me 63% të të anketuarve kundër propozimit të partisë – duke sugjeruar që votuesit duan stabilitet në një kohë të pasigurisë ekonomike mes pandemisë së koronavirusit.
Dosti Banushi – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.