Zyra e Ministrit Fuqiplotë për Adresimin e Pasojave të Tërmetit publikon masat e marrë deri më tani nga institucionet shqiptare
Zyra e Ministrit Fuqiplotë për Adresimin e Pasojave të Tërmetit përmes një komunikate ka bërë publik informacionin mbi punën e institucioneve publike për adresimin e pasojave të tërmetit të datës 26 nëntor 2019 . Në deklaratë evidentohet se pasqyrë nuk është shteruese, duke qenë se veprimet e ndërmarra janë në proces, dhe ecin përpara me shpejtësi.
Deri më sot:
-Janë ngritur dhe funksionojnë Shtabet e Emergjencës në cdo bashki të prekur;
-Janë mbyllur operacionet e përbashkëta të kërkim-shpëtimit nga të cilat janë nxjerrë 45 persona të gjallë;
-Kanë marrë ndihmë mjekësore në spitale rreth 900 qytetarë nga të cilët 731 vetëm në Spitalet e Trauës në Tiranë dhe Durrës dhe tre prej tyre janë dërguar për trajtim të specializuar jashtë vendit.
-Mbahen në monitorim të vazhdueshëm personat e lënduar të shtruar në spitale;
-Janë evidentuar të gjitha familjet të cilat kanë patur humbje të të afërmëve dhe janë mbështetur ndër të tjera, me të gjitha shpenzimet për ceremonitë mortore organizimi i të cilave është mbuluar nga autoritetet vendore (bashki dhe prefektura);
-Janë strehuar në struktura hoteliere 2,843 në Durrës, Tiranë, Shëngjin, Shkodër, Vlorë, Pogradec, Gjirokastër dhe Kukës.
-Sot u miratua në Mbledhjen e Qeverisë Vendimi për mekanzimin i cili mundëson mbulimin e kostove për akomodimin dhe ushqimin pranë strukturave hoteliere;
-Njëkohësisht janë shpërndarë çadra në zonat rurale , duke përfshirë njësitë administrative Vorë, Bubq, Ishëm, Manëz;
-Është në proces boshatisja e katër (4) palestrave në Durrës, pas verifikimeve të bëra me Njësitë Administrative. Një pjesë e këtyre banorëve e filtruar nga njësitë vendore është nisur drejt strukturave hoteliere.
-Sot në Durrës numri total i të akomoduarve në strukturat hoterliere është 1064;
-Në Tiranë pesë Qendra Sociale kanë ofruar e vazhdojnë të ofrojnë strehim dhe ushqim për banorët e pastrehë për shkak të termetit.
-Janë shpërndarë dyshekë, batanije, jastëkë, ushqime, veshje, ilaçe, produkte higjenike, për të gjithë qytetarët e akomoduar në hotel dhe për ata që kanë zgjedhur të qendrojnë në çadra pranë shtëpive të tyre, kryesisht në zonat rurale. Kjo është bërë e mundur dhe vazhdon të bëhet e mundur edhe falë kontributit të jashtëzakonshëm të shumë bashkëqytetarëve, bizneseve, organizatave jofitimprurëse vendase dhe të huaja, vëllezërve dhe motrave nga Kosova, Maqedonia e Veriut, Mali i Zi dhe nga disapora.
-Në hotelet ku janë strehuar qytetarë, banesat e të cilëve janë dëmtuar nga tërmeti, ka filluar të ofrohet shërbim mjekësor dhe ndihmë psiko-sociale pa ndërprerje dhe janë duke u përgatitur listat e fëmijëve dhe janë bërë gati planet për transportin e tyre për në shkolla dhe të prindërve për në vendet e tyre të punës, duke filluar nga dita e hënë.
-Është ngritur dhe po funksionon Grupi i Ekspertëve të Vlerësimit të Banesave i përbërë nga 70 ekspertë inxhinierë vendas dhe të huaj, mbështetur edhe nga Mekanizmi i Përbashkët i Emergjencave Civile të Bashkimit Europian dhe Kombeve të Bashkuara. Ky Grup do të bëjë vlerësimin e gjendjes së të gjitha banesave në bashkitë e prekura nga tërmeti bazuar mbi një metodologji të përgatitur në bashkëpunim me Emergjencat Civile të Bashkimit Europian dhe Kombeve të Bashkuara. Grupet e ekspertëve asistohen njëherësh edhe nga Policia e Shtetit dhe Administratorët e Njësive Administrative të bashkive të prekura. Grupet e vlerësimit kanë filluar punë në terren që nga data 29 nëntor.
-Në bashkinë e Durrësit janë angazhuar në terren gjithsej njëmbëdhjetë (11) ekipe dhe është bërë vlerësimi teknik i ndërtesave në mbi 250 objekte duke përfshirë shkollat publike. Ka filluar gjithashtu puna për vlerësimin teknik të ndërtesave të shkollave private. Vetëm 4 shkolla publike janë përcaktuar nga eskpertët si të papërshtatshme për mësim.
-Filloi shembja e banesave të shkatërruara nga tërmeti në bashkinë Durrës. Përcaktimi i këtyre banesave është bërë me vendim të këshillit bashkiak, mbi bazën e vlerëzimit teknik zyrtar të ekpsertëve.
-Vazhdojne inspektimet e perforcuara ne te gjithe pikat e grumbullimit te ndihmave ushqimore ne qarkun e Durresit Tiranes dhe Lezhes.
-Gjithashtu edhe ne cdo qender, hotel apo restorant ku sherbehet ushqim per te prekurit nga termeti.Inspektore te ardhur nga Draku Fier dhe Elbasan jane ne mbeshtetje per te siguruar monitorim te panderprere ne keto vend grumbullime. Situata e sigurise ushqimore eshte nen kontroll.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.