Zyrihu, Gjeneva dhe Bazel kanë nevojë për fuqi punëtore – Zvicra rrit lejet e punësimit për punonjësit jashtë BE-së
Autoritetet zvicerane i janë përgjigjur kërkesave të kompanive dhe kantoneve për nevojën për punonjës me kualifikim të lartë, duke vënë në dispozicion edhe 1 mijë leje shtesë për punonjësit që vijnë jashtë Bashkimit Europian nga viti i ardhshëm.
Nga 2019, kompanitë do të jenë në gjendje të rekrutojnë 8,500 punëtorë të huaj nga vendet jashtë BE, si dhe nga SHBA, Kinë e Indi.
Lejet shtesë prej 1,000 do t’iu japin mundësi firmave të kenë të njëjtin numër të punëtorëve që nuk janë nga BE, si në vitin 2014.
Ky ishte viti kur zviceranët votuan iniciativën ku i bënin thirrje qeverisë për të kufizuar migracionin. Si përgjigje, autoritetet ulën numrin e lejeve të punës në 6.500 punëtorë.
Kompanitë zvicerane tani janë gjithashtu të detyruara të provojnë se nuk kanë punëtorë zviceranë në dispozicion për të mbushur pozicionet para se të punësojë një kandidat të huaj.
Vitin e kaluar, Zürich, Gjenevë dhe Basel, tre kantone që tradicionalisht kanë një fuqi punëtore të madhe të huaj, bashkuan forcat për të nxitur qeverinë që të rrisë nivelet e lejeve përsëri në nivelet e vitit 2014. Udhëheqësit kantonalë argumentuan se mirëqenia ekonomike dhe reputacioni i Zvicrës si një qendër globale për biznes dhe hulumtim u dëmtua nga kufizimet.
Kërkesat e tyre duket se janë dëgjuar pasi autoritetet njoftuan më 28 shtator se do të plotësojnë nevojat e kantoneve.
Vitin e ardhshëm do të lëshohen 4.500 leje banimi plus 4.000 leje B me një kohëzgjatje pesëvjeçare. Numri i lejeve të qëndrimit afatshkurtër L, me kohëzgjatje prej tre deri në 12 muaj, do të shkurtohet me 500.
Qeveria do të ketë në dispozicion 1 mijë leje qëndrimi B, dhe do t’i dorëzojë ato sipas kërkesave të kantoneve(njësive administrative).
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.