1 miliard lekë për zgjedhjet e 25 prillit – Këshilli i ministrave miraton fondin shtesë në buxhetin e vitit 2021

Në fletoren zyrtare është publikuar fondi shtesë në buxhetin e vitit 2021 i miratuar për komisionin qendror të zgjedhjeve, për organizimin e zgjedhjeve për Kuvend të datës 25 prill 2021.

Me  propozimin  e  ministrit  të Financave dhe Ekonomisë, Këshilli i Ministrave ka vendosu:

1.Komisionit Qendror të Zgjedhjeve, në buxhetin e miratuar për vitin 2021, i shtohet fondi prej 1 000 000 000 (një miliard) lekësh, për organizimin e zgjedhjeve për Kuvend, të datës 25 prill 2021.

2.Efekti financiar, i përcaktuar në pikën 1, të këtij vendimi, të  përballohet nga fondi rezervë i buxhetit të shtetit, miratuar për vitin 2021.

3.Ngarkohen Ministria e Financave dhe Ekonomisë dhe Komisioni Qendror i Zgjedhjeve për zbatimin e këtij vendimi. Ky vendim hyn në fuqi menjëherë dhe botohet në Fletoren Zyrtare.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.