100 milion lekë fond shtesë për Akademinë e Shkencave – Ku do të financohen paratë e miratuara nga Këshilli i Ministrave
Nëpërmjet një botimi të publikuar në Fletoren Zyrtare është bërë me dije Këshilli i Ministrave ka vendosur një fond shtesë i cili do të shkojë për Akademinë e Shkencave.
Në buxhetin e saj të miratuar për vitin 2021, Akademisë së Shkencave i shtohet fondi total prej 100,000,000 (njëqind milionë) lekësh, i cili detajohet, si më poshtë:
- a) 96 000 000 (nëntëdhjetë e gjashtë milionë) lekë në zërin “shpenzime korrente”;
- b) 4 000 000 (katër milionë) lekë në zërin “shpenzime kapitale”, për financimin e hartimit e të botimit të tre veprave madhore albanologjike dhe enciklopedike, përkatësisht: i. Enciklopedia shqiptare; ii. Fjalori i madh i shqipes; iii. Historia e shqiptarëve.”.
Për zbatimin e këtij vendimi është ngarkuar Ministria e Financave dhe Ekonomisë dhe Akademia e Shkencave e Shqipërisë. Ky vendim hyn në fuqi menjëherë dhe botohet në Fletoren Zyrtare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.