106-vjetori i Pavarësisë – Politika dhe ndërkombëtarët urojnë shqiptarët për festën 

Shqipëria feston 106-vjetorin e Pavarësisë. Presidenti Ilir Meta, Kryeministri Edi Rama si dhe personalitete të tjerë të politikës kanë zgjedhur për të kryer ceremoninë e homazheve, në qytetin e Vlorës, ku  kanë vendosur kurorat me lule pranë monumentit të pavarësisë si dhe kanë përcjellë urimet e tyre për shqiptarët.

Ndërsa opozita ka zhvilluar homazhet tek Dëshmorët e Kombit. Kreu i Partisë Demokratike, Lulzim Basha  ka uruar gjithë shqiptarët duke  e konsideruar këtë ditë si një ftesë në një betejë për të garatuar liritë e tyre.

Kuq e zi është mbuluar në këto ditë festash e kryeqyteti. Kreu i bashkisë së Tiranës Erion Veliaj, gjatë ceremonisë së zhvilluar me rastin e 28 nëntorit krahas urimit tregoi se asnjë projekt i cili ka të bëjë me zhvillimin e qytetit nuk do të ndalet

Edhe ambasada amerikane ka përcjellë urimin e saj për Festën e Pavarësisë duke postuar një kartolinë të veçantë në faqen e saj zyrtare në FB, e cila evidenton vlerat dhe virtytet e kombit tonë.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.