14,593 të punësuar në 6 muaj/Rama jep detyrat: Krijimi i një website kombëtar, bizneset të deklarojnë vendet e lira të punës
Në 6 muaj, nga janari deri në qershor 2018 rezultojnë 14,593 të punësuar nga Zyrat e Punës, ku vetëm në muajin e undit janë punësuar 3,592 persona. Nga ana tjetër gjatë gjashtëmujorit bizneset kanë deklaruar 31,227 vende të lira pune.
Kryeministri Rama gjatë një takimi me drejtorët rajonal të punësimit dha në sër detyrash për zyrat e punës, ku ndër të tjera ishe edhe krijimi i një portali, ku bizneset janë të detyruar të deklarojnë vendet e lira të punës.
“Përtej rezultateve pozitivë, duhet të përcaktohen indikatorët e qartë të suksesit, që duhet të lidhen jo vetëm më normën e gjetjes së punës por dhe të mbajtjes së punës. Zyrat e punës duhet ta kenë si indikator.
Së dyti, ka nevojë për qartësim nga zyra qendrorë, për procedurat e punësimit, që të reflektohen në listëpagesa e bizneseve.
Dobësia me ë madhe e zyrave të punës është në masën dhe kontaktet me vetë biznesin. Janë vetë 6 për qind e bizneseve që kanë kontakte me zyrat e punës. Por pjesa tjetër, zyrat e punës nuk kanë trokitur ose nuk ka patur sukses.
Garantimi i shërbimit sa më të mirë ndaj biznesit, ky i fundit të mos cenohet as nga inspektorati i punës as nga Tatimet.
Duhet garanci për vendet e punës të siguruar për punonjësit, kushte optimale.
Bashkëpunimi i zyrave të punës me universitetet dhe shkollat profesionale, ka nevojë për përmirësim.
Ka qytete të pambuluara nga zyrat e punësimit, duhet shtrire.
Zyrat rajonale duhet të jenë me bashkëpunuese, më transparente me zyrat qendrore.
Dhe së fundi, lind nevojë për bashkëpunim, për krijimin e një website kombëtar për vendet e reja të punës, i detyrueshëm për kompanitë qe ti publikojnë, dhe në këtë mënyrë të krijohet edhe një mekanizëm më shumë ndihmues, për bizneset, zyrat e punësimit dhe punëkërkuesit. Kjo ide duhet çuar për para dhe impelmentuar”.
Duke u ndalur të punësimi i familjeve të dala nga ndihma ekonomike, Rama tha se duhet më shumë këmbëngulje për ata që refuzojnë punësimin.
“Nga maji 2017, kemi 23 mijë persona më shumë të punësuar. Qershori muaji më pozitiv, ka ndikim edhe sezoni veror, por edhe roli i zyrave të punësimit. Pavarësisht progresit të bërë me individët e dal nga ndihma ekonomike, dhe pavarësisht vështirësive që hasni me këta persona, që refuzojnë punë, duhet të këmbëngulni, për të dal nga kjo situatë psikologjike, nga një stereotip i krijuar për vite të tëra për të ndejtur”.
Targeti i qeverisë deri ën fund të vitit është 25 mijë të punësuar nga Zyrat e Punësimit.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.