1500 vende për mësues praktikantë me kontratë të përkohshme në shkolla! Qeveria miraton vendimin

Gjatë këtij viti, në sistemin arsimor parauniversitar do të jetë 1500 praktikantë që do të kryejnë praktikën profesionale me kontratë të përkohshme. Vendimi është miratuar nga Këshilli i Ministrave e parashikon se praktikantët gjatë periudhës së kryerjes së praktikës profesionale përfitojnë çdo muaj nga punëdhënësi (njësitë arsimore vendore) pagesën e kontributeve të sigurimeve shoqërore dhe shëndetësore, në emër të punëdhënësit dhe të punëmarrësit, në masën 27.9%.  Masa mujore e kontributeve të sigurimeve shoqërore dhe shëndetësore përllogaritet mbi pagën minimale mujore 24 000 (njëzet e katër mijë) lekë.

Efektet financiare për pagesën e kontributeve të sigurimeve shoqërore dhe shëndetësore për vitin 2018, të përllogaritur në emër të punëdhënësit dhe të punëmarrësit, janë në shumën 90 milionë e 396 mijë lekë e mbulohen nga fondet e miratuara në buxhetin e vitit 2018, për Ministrinë e Arsimit, Sportit dhe Rinisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.