158 raste të reja me COVID-19. Ministria e Shëndetësisë: 57 të shëruar dhe 2 humbje jete në 24 orët e fundit

Gjatë 24 orëve të fundit në vendin tonë janë identifikuar 158 persona pozitivë me COVID-19 nga kryerja e 864 testime për vlerësimin e infektimit nga virusi SARS COV2. Tirana vijon të jetë në krye të listës, e ndjekur nga Shkodra dhe Durrësi.

Sipas ISHP-së, në 24 orët e fundit janë shëruar 57 qytetarë, duke e çuar numrin e të shëruarve në 3928, që nga fillimi i epidemisë.

Ndërkohë, nuk e kan fituar dot betejën me sëmundjen dy qytetarë, një 60 vjeçar nga Tirana dhe një 62 vjeçar nga Shijaku me sëmundje bashkëshoqëruese. Sipas Ministrisë së Shëndetësisë, aktualisht në spitalin Infektiv dhe “Shefqet Ndroqi” po trajtohen 101 pacientë, 17 në terapi intensive nga të cilët 4 pacientë janë të intubuar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.