20 mijë shtetas të huaj pajisen me karta elektronike shqiptare – Çuçi: Shtetasit do të përfitojnë shërbime qeveritare në portalin e-Albania
Nëpërmjet një njoftimi të publikuar në faqen zyrtare, Ministri i Brendshëm Bledi Çuçi ka bërë me dije se rreth 20 mijë shtetas të huaj me leje qëndrimi në Shqipëri tashmë do të pajisen me karta elektronike me të dhëna biometrike ndryshe nga varianti i deritanishëm, që ishte thjesht një dokument në formatin e letrës A4.
“Kjo risi është gjithashtu një lehtësi e madhe që edhe këta shtetas, njësoj si qytetarët shqiptarë, të përfitojnë shërbimet qeveritare në portalin “e-Albania”. Brenda 30 ditëve duhet të paraqiten në një nga zyrat e kompanisë “Aleat” për të aplikuar për kartën elektronike”, njofton Çuçi.
“Po kështu kemi lehtësuar procedurat për të huajt që duan të jetojnë e punojnë në Shqipëri. Mjafton të regjistrohen vetëm njëherë në drejtoritë e Kufirit dhe Emigracionit dhe pastaj gjithçka bëhet elektronikisht”, shtoi ministri.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.