21 raste të reja ne Covid – Shpërndarja në 6 qytete të vendit, humb jetën një tjetër pacient
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 243 qytetarë ku kanë rezultuar pozitiv 21 raste të reja, duke e çuar në 1164 numrin total të të infektuarve në të gjithë vendin.
Rastet e reja janë përkatësisht: 14 raste në Tiranë, 3 raste në Krujë dhe nga 1 rast në Durrës, Shkodër, Kamëz dhe Mallakastër.
Gjatë 24 orëve të fundit janë shëruar 14 pacientë duke e çuar në 891 numrin total të të shëruarve, dhe janë akoma 240 raste aktive.
Gjatë ditës së sotme është njoftuar se një pacient 62 vjeçar ka humbur betejën me Covid si pasojë e sëmundjeve shoqëruese.
Aktualisht në dy spitalet Covid janë të shtruar 27 pacientë ku 4 prej tyre janë në terapi intensive dhe 1 pacient është i intubuar, ndërsa rastet e tjera po monitorohen nga mjeku i familjes.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.