250 mijë euro për jetën! – Policia vë në pranga pengmarrësit e shtetasit maqedonas

Policia e Shtetit ka njoftuar se është finalizuar operacioni policor i koduar “Lake” për heqje të padrejtë të lirisë dhe shtrëngimit me anë të kanosjes ose dhunës për dhënien e pasurisë.

Si pasojë janë arrestuar dy shtetas A. Xh., 41 vjeç, dhe S. M., 42 vjeç, banues në Tiranë si dhe është proceduar në gjendje të lirë shtetasi S. E., 50 vjeç, lindur dhe banues në Strugë/Maqedoni, për moskallëzim krimi, shkruhet në njoftim.

Sipas Policisë këta tre shtetas në bashkëpunim me njëri-tjetrin i kanë hequr lirinë shtetasit maqedonas D. V., 23 vjeç dhe nën kërcënimin e armës i kanë kërkuar një shumë prej 250 mijë eurosh.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.