340 milionë euro interesa për borxhet – I “vakët” fondi rezervë dhe ai i kontigjencës

Afro 340 milionë euro apo 41 miliardë lekë janë parashikuar të paguhen nga buxheti i shtetit gjatë vitit 2020,  vetëm për interesat e huave të marra.

Konkretisht, 23.5 miliardë lekë janë detyrime nga interesat për borxhin  e brendshëm, 13.4 miliardë lekë interesa për borxhin e jashtëm 4 miliardë lekë janë si fond rezervë për të përballuar ndryshimin e interesave që vjen edhe si pasojë e luhatjeve të kursit të këmbimit.

Në listën e shpenzimeve të papërfshira në fondet e institucioneve apo ministrive, janë edhe ato që lidhen me fondin e kontigjencës.

Për këtë vit, Fondi Rezervë dhe Kontigjencë i Këshillit të Ministrave është përcaktuar në 4,5 miliardë lekë, ndër të cilat 1.7 miliardë është fondi rezervë i qeverisë, 2.5 miliardë lekë është fondi për indeksimin e pensioneve, dhe në masën 300 milionë lekë është një fond i veçantë për pagat, i cili mund të përdoret për institucione të reja që do të krijohen.

Ndërsa për rritjen e pagave, për investime dhe për ruajtjen e defiçitit nuk janë vënë në dispozicion fonde rezervë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.