Analiza e tregut të automjeteve në Shqipëri/ Koncesionarët, 21 mln euro më pak xhiro me pandeminë, bilanci i 15 kompanive

Viti pandemik bëri që çdo njësi ekonomike, qoftë biznes i madh apo i vogël të ndjente një tkurrje në nivelin e të ardhurave, e cila rrjedhimisht sjell edhe ulje në fitim në fund të periudhës ushtrimore.

Kështu “Scan Intelligence Unit” zhvilloi një kërkim i cili bazohet në bilancet e depozituara nga përfaqësuesit zyrtar të autorizuar për shitje dhe servis për markat përkatëse në Qëndrën Kombëtare të Biznesit.

“Scan Intelligence Unit” ka analizuar 15 kompani të autorizuara, duke marrë bilancet e vitit 2019 dhe 2020 për të krahasuar të ardhurat dhe fitimet, si dhe për të krijuar një “panoramë” se si këta përfaqësues zyrtar të disa prej markave më të njohura në botë të industrisë automotive kanë performuar në periudhën e marrë për studim.

Për vitin 2020, bilancet tregojnë se kompania me të ardhurat më të larta është “AutoStar Albania”, përfaqësues zyrtar dhe i autorizuar për shitjen dhe servisin e makinave të liderit gjerman “Mercedes-Benz”.

Nga bilancet e depozituara në QKB, kjo kompani ka arkëtuar rreth 2.3 mld lekë ( 19 mln euro), përkundrejt 2.6 mld lekë (21 mln euro)  që regjistrohej në 2019-ën, rreth 322 mln lekë me pak, ose shprehur në përqindje do të fiksohej në shifrat e 12.18% rënie të xhiros vjetore.

Për të vijuar leximin e artikullit të plotë: KLIKO KETU

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.