Aplikimet për karta dhe pasaporta për shqiptarët, hapet zyra edhe në Francë

Ministria për Evropën dhe Punët e Jashtme njofton se ka nisur sot shërbimi për pajisje me Kartë Identiteti dhe Pasaportë për shtetasit shqiptarë rezidentë në Francë.

“Kujtojmë se i njëjti shërbim ka nisur ditën e djeshme për shqiptarët rezidentë në Suedi, ndërsa që prej ditës së nesërme më datë 04.02.2021, shërbimi për pajisjen me dokumente ID do të nisë edhe në Ambasadën shqiptare në Berlin. MEPJ fton të gjithë shtetasit shqiptarë të aplikojnë në portalin ‘e-Albania’, duke ndjekur udhëzimet e nevojshme” njofton ministria.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.