“Argument” – Shehu: “Në Gjirokastër ka ‘shpërthyer’ një bombë infektimi. Qeveria e dështuar, masat që propozoj të menjëhershme”

I ftuar në „Argument“ mbrëmjen e sotme ishte ish-ministri i Shëndetësisë, Tritan Shehu i cili ka folur mbi situatën epideomologjike në vendin tonë dhe masat që po ndërmerr qeveria për të përballuar pandeminë e Covid-19.

Z.Shehu në emisionin e mbrëmjes sot ka bërë një denoncim të fortë për zonën e Gjirokastrës, ku sipas tij ka shpërthyer një bombë infektimesh dhe që ngjarja po mbahet e mbuluar, ndërkohë që rastet e infektimeve janë dyfishuar, sipas tij pas zhvillimit të një aktiviteti nga Drejtoria Rrugore:

“Duhet aktivizuar spitali rajonal i Gjirokastrës që duhet të plotësohet me bazë medikale dhe njerëzore për t’i bërë ballë kësaj situate që të mos largohen njerëzit nga Gjirokastra. Ai spital ka një personel, që është i mangët por që duhet vënë në punë. Është më mirë të vihet në eficencë qoftë edhe me disa defekte se sa të rrijë i mbyllur.

Kërkohen masa të përgjithshme dhe ekstreme të paktën në këtë zonë që është e rrezikut të veçantë dhe që duhet të vihet në një program ad hoc në Ministrinë e Shëndetësisë dhe të ndalojë zinxhiri epideomologjik që kërkon testime të shumta dhe testim total të gjithë popullsisë së Gjirokastrës.

Çdo lënie në heshtje e situatës, për të mos marrë përgjegjësi për shpërthimin e asaj bombe biologjike si pasojë e aktiviteteve politike është e papërgjegjshme. Askush nuk po interesohet ajo që po ndodh në Gjirokastër, ndërkohë që pritet më e keqja nëse nuk merren masa. Për ditë të tëra është mbajtur në heshtje për të mos dalë në pah ajo bombë e aktivitetit të 25 – 28 tetorit.

Ndërkohë për masën e propozuar nga qeveria që do të fillojë rimbursimin e ilaçeve, sipas Shehut është një tallje me situatën, ndërkohë që njerëzit nuk mund të presin në këtë situatë. Ai ka propozuar disa masa më konkrete për qeverinë që duhet të zbatojë në këtë rast:

“Kemi muaj që e kërkojmë rimbursimin e medikamenteve dhe kjo masë ndodh në gjithë botën e qytetëruar. Të rimbursohen ilaçet dhe ky është rregull absolut. Nuk është bërë gjithë këto kohë dhe tani thonë që do nisin në janar. Kjo është qesharake, sepse si do mbijetojnë ata deri në këtë kohë, si do shkojë kjo situatë. Ti themi të presin derisa të fillojë rimbursimi, ndërsa ajo duhet të nisë sa më shpejt dhe duke pasur edhe efekte prapavepruese.

Së dyti në këto kushte duhet të zgjerohet skema e rimbursimit. Në shtëpi po mjekohen të sëmurë me probleme të mesme, për arsye nga më të ndryshmet. Duke filluar që nga disa antiviralë. Skema e rimbursimit ambulantor nuk mund të përjashtojë materialet diagnostifikuese, sepse numri i tamponëve te shteti është kaq i vogël dhe qesharak, pasi duhet të bënte 5 mijë ose 10 mijë dhe një pjesë e madhe e qytetarëve shkojnë t’i bëjnë në privat. Shteti duhet të përcaktojë rregullat financiare në privat. Nuk rimbursohet as bërja e analizave biokimike, që bëhen në privat, pasi analizat shtetërore janë jashtë funksionit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.