Arsimi, si të bëhesh drejtor ? – Matraku: I certifikuar nga QSHA pas trajnimit. Drejtorët nën monitorim

Të jesh drejtues në një institucion të arsimit parauniversitar  nuk mjafton të kesh diplomë apo eksperiencë. Të gjithë ata që do  të drejtojnë këto institucione duhet të certifikohen nga Qendra e shërbimeve Arsimore pas trajnimeve  përkatëse  në shkollën e drejtorëve e  më pas të monitorohen vazhdimisht  se sa i respektojnë standardet në drejtimin e institucionit .

Në  kuadër të rritjes së cilësisë së drejtimit të institucioneve të arsimit parauniversitar   është zhvilluar edhe  një studim  i mbështetur  nga  Fondi Shqiptaro-Amerikan i zhvillimit  dhe nga  Ministria e Arsimit  për të parë se cilat janë nevojat ku mund të ndërhyrjet.

Vendimi për “Organizimin e Shkollës së Drejtorëve të Institucioneve të Arsimit Parauniversitar” i cili është ngritur  në shtator të  2018-ës nga Ministria e Arsimit dhe Fondacioni Shqiptaro-Amerikan për Zhvillim, synon rritjen e përformancës në drejtimin e shkollave të arsimit parauniversitar në vend.

Nertila Doku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.