Asambleja e PS – Rama: Nuk jemi qeveri taksash, i kemi rritur për karburantet e të pasurit

Në mbledhjen e Asamblesë së Partisë  Socialiste, kryeministri Edi Rama ka kërkuar nga  të gjitha strukturat që të punohet më shumë, pasi qytetarët kanë nevojë që të kenë rezultate konkrete  sa i përket zhvillimit ekonomik dhe jo vetëm.

Rama është shprehur se  nuk janë qeveria e taksave. Sipas  tij janë rritur vetëm dy taksa, ajo mi të pasurit dhe mbi karburantin.

Me tej kryeministri në fjalën e tij është ndalur në luftën që ka  bërë shteti ndaj krimit të organizuar. Sipas Ramës që nga viti 2014 janë sekuestruar mbi 152 milionë euro asete të krimit.

Puna e qeverisë aktuale është cilësuar e vështirë nga Kryeministri duke qenë se në vend mungon roli i opozitës. Ndërkohë që Rama ka paralajmëruar se do të ketë një valë ndryshimesh në shtator ku do të ketë shkarkime ministrash por edhe të drejtuesve të PS në rrethe. Në këtë asamble u vendosën edhe tarifat që do të paguaj çdo socialist për partinë gjatë 2018 variojnë nga 50 lekë në 6  mijë lekë. Më pak do të paguajnë studentët dhe më shumë biznesmenët.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.