Asetet e përfituara në mënyrë të paligjshme – “Vjeshtë 2017”, policia sekuestron 44.900 Euro dhe 9900 USD

Vijon sekuestrimi i aseteve të përfituara në mënyrë të paligjshme, në kuadër të plan operacionit të koduar “Vjeshtë 2017”. Konkretisht, Policia e Vlorës ka sekuestruar vlera monetare prej 44.900 Euro dhe 9900 USD.

“Në kuadër të Plan Operacionit ”Vjeshtë 2017”, lidhur me sekuestrimin e aseteve të cilat rezultojnë të përfituara në mënyrë të paligjshme, Policia Vlorë ka bërë të mundur sekuestrimin e disa vlerave monetare. Konkretisht, janë sekuestruar 44.900 Euro dhe 9900 USD, në posedim të shtetasit L.M., 22 vjeç, banues në Vlorë, shuma monetare të cilat dyshohen të jenë përfituar në mënyrë të kundërligjshme”, thuhet në njoftimin e policisë.

Materialet janë referuar në Prokurori për veprën penale ”Pastrimi i produkteve të veprës penale ose veprimtarisë kriminale”, parashikuar nga neni 287 të Kodit Penal.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.