Auditimi pranë “ALUIZNI-t Tiranë” – KLSH kallëzon në prokurori ish-drejtorin

Kontrolli i lartë i shtetit ka kallëzuar në prokurori ish-drejtorin e ALUIZNIT të Tiranës, pasi është gjetur me shkelje në legalizimin e 2 objekteve.

Sipas ALUZNIT, ai ka kryer legalizime të jashtëligjshme, jashtë kompetencave ligjore për 2 objekte të mëdha në Qendër të Tiranës me pasoja të mëdha për buxhetin e shtetit, duke shmangur zbatimin e ligjit dhe falsifikuar dokumente zyrtare për përfitime të paligjshme  dhe kualifikuar 17000 objekte dhe nuk janë legalizuar.

Kontrolli i Lartë i Shtetit, në zbatim të programit të auditimit nr. 512/1,  datë 12.05.2017,  ka audituar Drejtorinë Rajonale Rurale (Jug) të ALUIZNI-t Tiranë, për periudhën 2015-6 mujori i I-rë, viti 2017. Nga ky auditim, u konstatuan shkelje të dispozitave ligjore, për të cilat KLSH ka kryer kallëzim penal në Prokurorinë e Rrethit Gjyqësor Tiranë, për z.A.I, ish drejtorin e këtij institucioni dhe O.S ish përgjegjës sektori i legalizimeve, për konsumim të elementëve të veprës penale.

Gjithashtu nga auditimi është konstatuar se Drejtoria e Përgjithshme nga shuma totale e vetëdeklarimeve për legalizim si ndërtime informale gjithsej 463mijë  objekte, rezultojnë 17,000 objekte te kualifikuara nga Drejtoritë Rajonale, por të pa pajisur me leje legalizimi, duke u ndërprerë procedurat e legalizimit në mënyrë të pa dokumentuar dhe krijuar një impakt social negativ, veprime në kundërshtim me ligjit .

Gjithashtu KLSH ka gjetur me shkelje edhe ish kryetarin e komunës Vergo në Delvinë me shkelje, pasi ka lidhur 178 kontrata qiraje për dhënien në përdorim të pronës shtetërore me sipërfaqe 207 ha me afat 99 vjeçar, gjatë viteve 2010 dhe 2013.

Arbër Hitaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.