Basha me tone të forta: “Prokuroria të nisë hetimet për abuzimet e qeverisë me Covid-19. Rama mashtroi për paketën e tretë ekonomike”
Kryetari i Partisë Demokratike Lulzim Basha ka zhvilluar edhe në ditën e sotme një bashkëbisedim të radhës me gazetarët për t’i folur rreth planit të Partisë Demokratike në nxjerrjen e vendit nga kriza, siç e cilëson PD gjendjen aktuale ekonomike dhe për të kritikuar qeverinë në masat që po merr për parandalimin e COVID-19.
Për kryedemokratin Lulzim Basha, qeveria Rama nuk ka marrë asnjë masë reale për të parandaluar përhapjen e COVID, dhe për këtë prokuroria duhet të niste hetimet.
“Spitalet COVID kanë arritur kapacitetin maksimal, askush s’ka reaguar. heshtje totale, nuk fshihet dielli me shosh, nuk mundet të pranojmë si opozitë në çështje që ka të bëjë me jetën të trajtohet si inekzistente në një përpjekte të dobët të dalë boje për të fshehur realitetin për të cilin është përgjegjës me batuta bajate. As nuk ndihmojnë mjekët, as fëmijët, as vogëlushit në shkolla, nuk ka asnjë alibi, vetëm keqqeverisje, vjedhje dhe shpërdorim të pushtetit, abuzim të detyrës nga ana penale. Të fillonte hetimet për mos veprimet e Edi Ramës dhe Manastirliut, ndërkohë që vendet e tjera kanë marrë masa për të ndaluar përhapjen e COVID. Një sfidë e madhe për këtë shoqëri, masa e suksesit nuk është të fusësh kokën si struci, apo të thuash që kemi fat që infektimet kanë arritur rekordin”, tha Basha,
Vendosjen e maskës me detyrim, kryedemokrati Lulzim Basha e ka quajtur si një vendim “për të larë duart” nga ana e qeverisë. Ai tha se Rama nuk ka mbajtur premtimin për një paketë të tretë ekonomike, duke e quajtur si kriminelë që pret të arrihet më e keqja.
“Kjo është të lash duart me shëndetin e njerëzve. 2500 testime në ditë është minimumi që duhet të bëjë kjo qeveri. Sa i përket paketës ekonomike janë premtuar masa shtesë dhe një paketë të tretë, e keni me zë dhe figurë, nxirrjani palaços që ta ballafaqojë. Përballeni palaçon me premtimet që u ka bërë shqiptarëve, nxirreni kur thotë po bëjmë gati paketën e tretë ndërkohë të tjerat kanë bërë paketën e katërt. Është kriminale mënyra si sillet me shqiptarët, mjekët dhe infermierët. vetëm një kriminel që e po pret popullin e tij po pret më të keqen që nxjerrë me pikatore, kjo është skenari”, tha Basha.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.