Basha: PS i ka dhënë prioritet numërimit të qendrave që e favorizojnë. Në fund, fitorja do të jetë e prekshme!

Kreu i Partisë Demokratike, Lulzim Basha, ka dalë në një deklaratë për media në të cilën është shprehur se Partia Socialiste i ka dhënë prioritet numërimit të kutive që i përkasin mbështetësve të PS. Sipas Bashës, qendrat e para që janë numëruar janë ato që favorizojnë partinë në pushtet.

“Ne presim që fitorja e Aleancës për Ndryshim të konfirmohet në të gjithë vendin. Numërimi të bëhet në mënyrë rigoroze sipas ligjit. Në fund të këtij numërimi, fitorja do të jetë e prekshme” shtoi Basha.

Ndërkaq, deri në këto momente, nga procesi i numërimit të deritanishëm, Partia Socialiste kryeson në 9 qarqe të Shqipërisë, ndërsa Partia Demokratike kryeson në 3 qarqe, përkatësisht Shkodër, Kukës dhe Lezhë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.