Basha, takim me bizneset në Elbasan: “Gjendja e mjerueshme, plani 5 pikësh i PD do lehtësojë situatën”
Kreu i Partisë Demokratike, Lulzim Basha i ka i ka bërë thirrje qytetarëve të bashkohen për të ndryshuar situatën ekonomike në të cilën ndodhet vendi . Pas një takimi që pati me bizneset dhe qytetarët në Elbasan, Basha deklaroi se gjendja do të lehtësohet vetëm duke zbatuar programin 5 pikesh të PD.
“Mundësitë ekzistojnë, sepse vendi nuk është një vend i varfër por një vend i vjedhur dhe po të ndalojmë këtë rrugë që na ka futur kjo qeveri, rrugë që na çon drejt kolapsit, të futemi në një rrugë zhvillimi normal. Kemi dalë përpara me këtë propozimin me 5 pika, planin me 5 pika që kemi propozuar, ku synimi kryesor është të nxitet konsumi dhe synimi i dytë është të mbështetet biznesi i vogël dhe bizneset në tërësi. Propozimi ynë me 5 pika i ndihmon të gjithë ata që janë nën presionin më të madh të krizës. Në radhë të parë, ata që kanë humbur vendet e punës, në radhë të dytë biznesin e vogël, në radhë të tretë ata që do rimerren në punë për t’i stimuluar bizneset që t’i rimarrin në punë, me një ndihmë prej 200 mijë lekësh, për këdo që merr në punë, t’i japë 200 mijë lekë shteti, dyfishimin e ndihmës ekonomike, një 20 mijë lekësh të vjetër për pensionistët, për shpenzimet shtesë që kanë tani dhe pa diskutim mbështetje për shëndetësinë dhe arsimin” – u shpreh Basha.
Ndër të tjera Basha premtoi se kur Partia Demokratike të vijë në qeveri, krimi do të shkëputet nga pushteti.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.