BBC, në fokus transformimin e bunkerëve: Shqiptarët janë mësuar ta, njësoj si londinezët me kabinat e kuqe telefonike!
Bunkerët e ndërtuar në Shqipëri para viteve ’90 vijojnë të tërheqin vëmendjen e medias ndërkombëtare, duke përbërë një element tërheqës jo vetëm për turistët por edhe për artistët e fotografët. BBC i ka kushtuar një artikull nismës së fotografit Robert Hackman që ka krijuar një katalog që dokumenton bunkerët që u ndërtuan në Shqipëri mes viteve 1975 dhe 1989 nga frika e Luftës së Ftohtë.
Fotografi është përqendruar në atë që ka ndodhur me bunkerët, në transformimin e tyre në kafene, banesa, restorante, pishina apo depozita uji. Ai e ka emërtuar katalogun e tij “Metamorfoza” për të dëshmuar ndryshimin që kanë pësuar bunkerët e ndërtuar që u ndërtuan me argumentin për t’i bërë ballë një pushtimi.
Në artikull evidentohet se Shqipëria ka aq shumë bunker sa shqiptarët janë mësuar me prezencën e tyre, “njësoj si një londinez me kabinat e kuqe telefonike apo një njujorkez me taksitë e verdha”.
Artikulli origjinal: https://www.bbc.com/news/in-pictures-47157127
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.