BE dorëzon ndihma të tjera për Shqipërinë! Çfarë përmban paketa e katërt e pajisjeve dhe mjeteve mbrojtëse kundër COVID
Bashkimi Europian ka dorëzuar zyrtarisht pjesën e katërt të ndihmës për Shqipërinë, për përballimin e pandemisë. Pjesa e katërt e ndihmës përbëhet nga 15 ventilatorë të lëvizshëm, 50 monitorë me parametra vitale, 25 defibrilatorë, 20 elektrokardiograme me rrota, 10 ekografë me sonda lineare dhe konvekse, me rrota, si dhe 2 aparate radiografie digjitale të lëvizshme.
Dorëzimi u bë në një ceremoni zyrtare ku merrnin pjesë ambasadori Luigi Soreca, Shefi i Delegacionit të BE-së në Shqipëri dhe Ministrja e Shëndetësisë dhe Mbrojtjes Sociale Ogerta Manastirliu.
Tri dërgesat e para u kryen në muajin maj dhe në mes të muajit qershor dhe përbëheshin nga pajisje mbrojtëse personale dhe furnizime kundër COVID-19, ambulanca të pajisura plotësisht për shpëtimin e jetës, shtretër të pajisur plotësisht për njësitë e kujdesit intensiv, pajisje elektrokardiograme dhe pajisje të tjera të specializuara për trajtimin e rasteve më të rënda të insuficiencës së mushkërive.
Angazhimi i përgjithshëm i BE-së për Shqipërinë në luftën kundër COVID-19 është 4 milionë Euro për pajisje mjekësore të prokuruara nëpërmejt UNOPS dhe gati 50 milionë Euro për mbrojtje dhe mbështetje sociale, si dhe për rimëkëmbje ekonomike.
SCAN
📍Spitali COVID4 – Forcojmë kapacitetet për përballimin e situatës së shkaktuar nga COVID19, me mbështetjen me aparatura të teknologjisë së lartë, pjesë e paketës së katërt të ndihmës së Bashkimit Europian.#StrongerTogether 🇦🇱🇪🇺
Posted by Ogerta Manastirliu on Monday, July 20, 2020
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.