Bilanci/ Shkon në 146 numri i të konfirmuarve me COVID-19 në Shqipëri! Hartës i shtohet edhe qyteti i Krujës!
Është shtuar më tej numri dhe lista e qyteteve të prekura nga COVID-19, në bilancin e fundit të njoftuar nga Ministria e Shëndetësisë. Zv. Ministrja e MSH, Mira Rakacolli njoftoi se në 24 orët e fundit janë konfirmuar 23 raste të reja pasi janë bërë 111 testime gjithsej.
Në total, janë testuar 1041 pacientë dhe 146 raste kanë rezultuar pozitivë me COVID-19. Nga ana tjetër, janë 17 qytetarë që deri në këto momente janë shëruar dhe kanë rëzultuar negativë daj virusit edhe pas testit të dytë, të cilët do të vazhdojnë të qëndrojnë të vetkarantinuar në shtëpitë e tyre.
Harta e të prekurve me COVID-19 në Shqipëri është si më poshtë:
- Tiranë 83 persona
- Durrës 9 persona
- Lushnje 4 persona
- Elbasan 3 persona
- Fier 14 persona
- Rrogozhinë 2 persona
- Kavajë 4 persona
- Korca 11 persona
- Vlora 5 persona
- Shkodra 3 persona
- Lezha 4 person
- Berati 1 person
- Hasi 2 persona
- Krujë 1
Në Spitalin Infektiv, janë shtruar 72 persona nga të cilët 4 persona ndodhen në terapi intensive ndërsa 3 ndodhen të intubuar në gjendje të rënduar dhe kritike për jetën. Pjesa tjetër e pacientëve është në gjendje të stabilizuar shëndetësore.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.