Borxhi publik nën kontroll, Ahmetaj: Sfidë e mandatit të dytë, ulja e papunësisë
Rritja e punësimit është sfidë e mandatit të dytë qeverisës, deklaroi ministri i Financave dhe Ekonomisë Arben Ahmetaj gjatë takimit e gazetarët. Ahmetaj u ndal edhe te rritja ekonomike, investimet e huaja, borxhi publik dhe aksioni antiinformalitet.
“Rritja ekonomike është 4.06 për qind në tremujorin e dytë. Edhe raporti i FMN parashikonte rritje midis kufirit 3.7-3.9 për qind. Në të njëjtën linjë janë edhe raportet e Bankës së Shqipërisë”
“Ulja e papunësisë, sfidë e qeverisë “Rama 2”. Duhet thënë që rënia e papunësisë është konstante që prej vitit 2014, në nivelin 13.9 për qind. Ne synojmë të ulim papunësinë në nivel një shifror”.
“Borxhi publik është nën kontroll. Ka patur ulje borxhi, nuk është krijuar borxh të ri”.
“Ne tërheqim 25 për qindëshin e investimeve në rajon”.
Në lidhje me investimet e huaja ministri tha se Shqipëria tërheq 25 për qind të investimeve në rajon. “Duhet të punojmë shumë më tepër për të tërhequr investime të mëdha dhe seriozë”.
“Për biznesin e vogël do të kemi një raport të thjeshtuar një herë në tre muaj. Do përjashtohen nga TVSH kategoria e zejtarëve. Dhe tregjet formale të bashkive do të trajtohen ndryshe. Aksioni antiinformalitet është për edukimin e bizneseve”.
(vijon…)
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.