Bursat financiare për studentët – 12 mijë përfitues për vitin e ardhshëm akademik

12 mijë studentë të universiteteve publike në vend janë përfitues të bursave financiare  për vitin e ardhshëm .  Ministria e Arsimit  ka rritur fondin  për programin “ Granti për mësimdhënie” ku janë të përfshira bursat të cilat përllogariten të kapin një vlerë  deri në 1.1 mld lekë.  Në kuadër të  Paktit për Universitetin, nisur nga nevojat për përmbushjen e objektivave  të institucioneve  të arsimit të lartë, më herët,  përfaqësues të ministrisë  i  kanë kërkuar  Ministrisë së Financave shtim të fondeve  deri në 900 mln lekë,  në zërin e programit “Transfertë e pakushtësuar”.

Për studentët përfitues,  bursa financiare paguhet nga data e regjistrimit në rastet e aplikimit në fillim të vitit akademik që përfshin fazën e parë. Për fazat e tjera, bursa financiare paguhet nga muaji pasardhës, kur studenti ka paraqitur kërkesën dhe përfitojnë vetëm ata student që plotësojnë kriteret e përcaktuara. nga Janari 2021 e në vazhdim, për vitin akademik 2020-2021, datat e dorëzimit të dokumentacionit nga studentët të jenë brenda datës 25 të çdo muaji.

Në udhëzimet e aplikimit saktësohet se nuk do të përfitojnë bursë studentët që janë duke ndjekur një program të dytë studimi për të cilin duhet të përballojnë vetë koston e plotë të studimeve. Nga ky rregull përjashtohen ekselentët. Ndërkohë që edhe studentëve përsëritës i ndërpritet mbështetja nga fondet publike me përjashtim të rasteve madhore. Kjo pasi këta studentë nuk e kanë përfunduar programin e studimit brenda kohëzgjatjes normale të përcaktuar në aktin e hapjes së programit përkatës të studimit.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.