Buxheti i shëndetësisë, 7.5% rritje – Manastirliu: 15 milion euro kredi nga BB, për situatën e krijuar nga COVID-19
Projektbuxheti i Ministrisë së Shëndetësisë dhe Mbrojtjes Sociale për vitin 2021, përfshirë përballimin e situatës së krijuar nga COVID-19 parashikon një rritje me 7.5% apo 5.8 miliard lekë më shumë se viti 2020. Gjatë raportimit të Komisionin parlamentar të Punës, Çështjeve Sociale dhe Shëndetësisë, ministrja Ogerta Manastirliu tha se 5.2 miliard lekë shtesë i takojnë sektorit shëndetësore, ndërsa 500 milion lekë janë për mbrojtjen sociale. Manastriliu tha se buxheti i vitit që vjen do të financojë disa programe, përfshirë check-up-in për moshat 35-70 vjeç apo financimin e paketave shëndetësore në spitalet publike e private.
Ndërkaq, sa i takon përballimit të situatës së krijuar nga COVID-19, Manastirliu tha se do të merret edhe një kredi prej 15 mln euro nga Banka Botërore.
Paralelisht, parashikohet të shtohen edhe 36 autoambulanca, me qëllim uljen e kohës së shërbimit dhe ofrimin e shërbimit në banesë.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.