“Çështja e detit më Greqinë zgjidhje në Gjykatat Ndërkombëtare”. Kryeministri Rama merr pjesë në forumin e “The Economist”
Kryeministri Edi Rama në ditën e dytë të vizitës në Athinë ka marrë pjesë në forumin e organizuar nga revista prestigjiozja “The Economist”, me temë “Ballkani Përtej 2020”. Kryeministri Edi Rama foli për çështjen e detit me Greqinë duke thënë se shpreson në arritjen e një marrëveshje, me palë të treta ose në gjykata ndërkombëtare.
“Unë kam një ide të thjeshtë që e kam paraqitur më parë dhe shpresoj që sa më shpejt të arrijmë dakordësi. Kur bëhet fjalë për zona detare ta zgjidhim çështjen me të tjerë, nëpërmjet një pale të tretë apo edhe gjykatave ndërkombëtare. Kjo të jetë e drejtë dhe të mos përdoret nga patriotët atje dhe këtu. Kryeministri flet për të drejtë të Greqisë për të shtrirë kufijtë detarë dhe vetëm kjo shndërrohet në çështje në rrjetet sociale në Shqipëri dhe po kështu në qarqet politike, a thua se kryeministri grek duhet tu përgjigjet njerëzve që s’dinë për çfarë flasin. Kjo ndez pakënaqësi’. Ne jemi në partneritet strategjik me Shqipërinë dhe Greqinë, por Shqipëria nuk është midis dy zjarreve. Unë besoj se ka potencial në këtë marrëdhënie greke-turke që të jetë e dobishme edhe për Evropën. Turqia është instrumental, dhe Greqia është kyçe për kufijtë e Evropës. Presidenti turk nuk është anti-grek. Dhe nuk ka dyshim që e shkuara ka treguar kur ka vullnet ka edhe zgjidhje, duhet dialog i mirëfilltë. Nuk është e lehtë, por e mundur. Jam i bindur që marrëdhëniet konstruktive greko-turke mund të jenë për të mirën e Evropës”
Rama me tej tha se shembullin e zgjidhjes së çështjes së emrit mes Maqedonisë së Veriut dhe Greqisë duke theksuar se liderët politik rajonit duhet ti kalojnë këto ndasi të së kaluarës. Një ditë më parë kryeministri Rama u takua me homologun e tij grek Kiriakos Micotaqis, ku në një njoftim të shkurtër për mediat zyrat e shtypit e kryeministrit grek sqaron se: një diskutim i veçantë u bë për pakicën kombëtare greke në Shqipëri, që duhet të shërbejnë si një urë bashkëpunimi midis 2 popujve. Temë tjetër ishte forcimi i marrëdhënieve 2 palëshe ekonomike dhe tregtare mes 2 vendeve . Kryeministri grek shprehu vlerësimin edhe për integrimin e qytetarëve shqiptarë që jetojnë në Greqi.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.