“Çështja e detit në gjykatën ndërkombëtare”, Rama-Dendias: Heqim së shpejti ligjin e luftës, bashkëpunim ekonomik
Ministri i jashtëm grek Nikos Dendia, ka konfirmuar gjatë vizitës në Tiranë se palët kanë rënë dakord që çështja e detit të zgjidhet në gjykatat ndërkombëtare. Duke folur në një konferencë për shtyp me mediat, kryeministri Edi Rama dhe Ministri Dendias, u ndalën edhe të ligji i shumë debatuar i luftës, duke u angazhuar se palët po punojnë për ta hequr së shpejtë. Palët theksuan se mes 2 vendeve po hapet një kapitull i ri shumë pozitiv.
Ka qenë kryeministri Rama ai që ka dhënë fillimisht lajmin për këtë si dhe për zgjidhjen e marrëveshjes së detit:
“Kemi rënë dakord që këtë çështje ta trajtojmë në instancat ndërkombëtare. Së bashku Shqipëria dhe Greqia do t’i drejtohen drejtësisë ndërkombëtare për të vendosur pikat mbi i në bazë të ekspertizës dhe në bazë të së drejtës ndërkombëtare të detit. Më vjen keq për patriotët e detit, por në këtë mënyrë duhet të gjejnë arsye të tjera për të shpallur patriotizmin e tyre, pasi çështja e detit, nuk është një çështje që mund të bëjnë propagandën e tyre të shpifur anti-greke. Në mbyllje dua të them se nuk është ende një çështje që është e zgjidhur, por është një diskutim që jam i bindur se do përfundojë në mënyrë pozitive, që është heqja e ligjit të luftës.” – u shpreh z.Rama.
Më tej në një fjalim të gjatë ministri i jashtëm grek shpjegoi se Shqipëria ka bërë një punë shumë të mirë në krye të OSBE-së:
“Shqipëria tregoi se brenda kushteve të COVID mund të ushtrojë një presidencë të OSBE esenciale, kjo është esenciale. Na bashkojnë shumë gjëra, duhet t’i vazhdojmë këto marrëdhënie akoma më lart. Një urë janë mijëra shqiptarë që punojnë në Greqi, më lejoni të theksoj kontributin esencial të grekëve në zhvillimin ekonomik të Shqipërisë dhe e kundërta. Nga ana jonë ne jemi të gatshëm të marrim vendime në dobi të vendeve tona, integrimi i Shqipërisë është një objektiv i përbashkët dhe ne jemi të gatshëm që të ofrojmë dijet teknike ku ju mendoni se ju nevojiten, Greqia ka mbështetur në mënyrë të qëndrueshme integrimin e vendeve të Ballkanit Perëndimor.” – u shpreh z.Dendia
“Me Cakajn diskutuam për përcaktimin e hapësirave detare, zgjidhja do jetë në dobi të dy vendeve, jam shumë i lumtur për të përsëritur se duke analizuar këtë çështje ne kemi rënë dakord të kalojmë të dyja vendet së bashku në të drejtën ndërkombëtare në Hagë. Kjo marrëveshje mbështetet në një qëndrim të të dyja vendeve për zgjidhjen e konvergjencave, u referuam dhe në marrëveshjen që dy vendet kanë në 1996, ajo ka nevojë për thellim që të ecim së bashku në një marrëveshje të re sa i përket partneriteti strategjik, që të bëjmë një mbledhje të përbashkët. Kemi referuar çështjen e ligjit të luftës, kjo është anakronizëm do e zgjidhim së bashku dhe po e them nga Tirana me urdhër të kryeministrit Mitsotakis.” – vazhdoi më tej ministri grek.
Nuk duhet të humbasim kohë, Shqipëria ka bërë progres për minoritetet, mundet dhe japin mundësinë që të kalojnë në axhendën e tonë pozitive, një vend që është kandidat për BE lëviz në drejtim të kundër të BE, Turqia. Ajo po shkel kriteret themeltare në BE, politike dhe ekonomike, i kemi dërguar Varlehey duke theksuar se Turqia po shkel Unionin doganor, kam vendosur këtë çështje me keqardhje që Komisioni të evidentojë të gjitha shkeljet deri në tërheqjen e unionit.” – u shpreh ministri i jashtëm grek.
Një tjetër vendim i rëndësishëm, ishte ai për zhvillimin e një mbledhje të përbashkët të dy qeverive, e para që do të zhvillohet mes 2 vendeve.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.