Çfarë ndodh me qytetarët që ndodhen në Spanjë?! Ministria e Jashtme bën publik vendimin
Ministria e Jashtme, nëpërmjet një postimi në ‘’Facebook’’ ka bërë një njoftim për të gjithë qytetarët shqiptarë që ndodhen në Spanjë.
Ministria për Evropën dhe Punët e Jashtme, pas konsultimeve me autoritetet spanjolle, informon gjithë shtetasit shqiptarë që ndodhen në Spanjë, se pezullohen të gjithë procedimet administrative përgjatë gjendjes së emergjencës, për shkak të COVID-19.
Si rrjedhojë, të gjithë shtetasit e huaj, që nuk mund të kthehen në vendet e tyre të origjinës nuk do të preken gjatë kësaj periudhe të jashtëzakonshme dhe po ashtu nuk do të ketë sanksione për tejkalimin e afateve të qëndrimit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.