“Credins Bank” në shërbim të individëve dhe bizneseve përballë krizës. Drejtoresha Thano: “Lehtësi maksimale për operatorët”
Bankat e nivelit të dytë janë operatorët më të rëndësishëm në përballimin e krizës së shkaktuar nga COVID-19 që ka kufizuar shumicën e sektorëve të ekonomisë dhe duke ngritur pikëpyetje të rëndëishsme për të ardhmen.
Në emisionin “Argument” ka qenë e ftuar Soni Thano, Drejtore e Divizionit të Administrimit të Riskutnë “Credins Bank”, mbi masat e marra nga sistemi bankar në këtë krizë.
“Kjo pandemi erdhi në mënyrë të papritur në vendin tonë dhe në të njëjtën mënyrë reagoi edhe qeveria. Në si bankë e nivelit të dytë kemi vënë menjëherë në zbatim masat e Bankës së Shqipërisë. Përveç devotshmërisë deri në vetë-sakrifikim të sektorit të shëndetësisë nuk mbetet pas dhe me të njëjtin përkushtim po përpiqet edhe sektori banker duke marrë masa në mënyrë të menjëhershme, me përshtatjen e të gjithë strukturës së bankës, duke mos ndërprerë në asnjë mënyrë shërbimin për të gjithë klientët, dhe gjithashtu me të njëjtën cilësi.
E njëjta është bërë në rrjete sociale nëpërmjet rikujtesës së bazës së klientelës me mundësinë për të përdorur platformën tonë online “Credins Online” jo vetëm për pagesën e utiliteteve, por edhe të tatimeve, taksave dhe transaksioneve të ndryshme. Kjo u bë që njerëzit të respktojnë masat e qeverisë për të ndejtur në shtëpi dhe për të evituar radhët në degët tona.
Përveç kësaj pas marrjes së njoftimit nga Banka e Shqipërisë duhet theksuar se periudha, e cila lejon ngrirjen e pagesave fillon nga 13 marsi deri në një maksimum, 31 maj të 2020-ës. Kjo nënkupton ngrirjen e principalit dhe interesave, por jo faljes së tyre. Banka Credins bëri të mundur zerimin e penaliteteve për shtyrjet e kësaj periudhe, të cilët edhe individë apo biznese që nuk janë prekur nga kriza në mënyrë të drejpërdrejtë të kenë mundësi paguajnë në ditë vonese pa penalitete. ”
Ndryshimi midis individëve dhe bizneseve
“Ne përshtatëm një draft nëpërmjet struktruave tona ligjore i cili është për aplikimin e klientëvei cili nuk ka dallim ndërmjet portofolit individ dhe klientëve. Por duhet thënë se ajo që na u lehtësua nga Banka e Shqipërisë dhe qeveria është për atë kategori që shprehin arsyet e prekjes aktuale nga kjo situatë. Pra, ata që kërkojnë të përfitojnë këtë ngrirje duhet të shprehin arsyet e prekjes në mënyrë specifike nga kriza. ”
Produkte të reja kredie
“Ajo që Credins ka bërë në këtë periudhë ka qenë jo vetëm të ofrojë shërbim cilësor, por edhe të sigurojë vazhdueshmëri të biznesit, me përshtatjen e orareve të hapjes së degëve tona me oraret e nxjerrë nga qeveria. Por, nga ana tjetër është mundësuar edhe vazhdimësia e bërjes së biznesit për ata sektorët që shihen me përparësi dhe nuk kanë ndaluar. Dy javët e fundit Banka Credins ka pranuar kërkesa për kredi për biznese që operojnë në sektorin e shëndetësisë në mënyrë që të furnizohen me paisje mjekësore, që janë të rëndësishme për këtë periudhë.”
Kushtet dhe përgjegjësitë e klientit
“Duhet të jemi të ndërgjegjshëm që detyrimi ynë kontraktual me një ekspozim të caktuar është detyrim që mbetet aktiv dhe nuk vdes në momentin e një urdhëri që na ka ardhur nga qeveria apo Banka e Shqpërisë, por që do vazhdojë të xhirojë interesa. Duhet të jemi të kujdesshëm të mos akumulojmë aty ku kemi mundësi. Pra, të operojmë në mënyrë të zgjuar me likuiditetin që na mbetet gjatë kësaj periudhe. Bëhet e vështirë pas kësaj periudhe të kthehemi në bilancin tonë normal familjar, kur janë mbledhur detyrime për disa muaj. Prandaj, e mira është për aq mundësi sa kemi të vazhdojmë të realizojmë pagesa në bankë. ”
Si po trajtohen aplikimet në bankë
“E rëndësishem është të theksohet është që nga ana e stafit të Bankës Credins trajtohet dhe do të vazhdojë të trajtohet çdo kërkesë në mënyrë të barabartë për klientë qofshin nga segmentët e individëve, retaile-t apo bizneseve të mëdhaja. Kërkesa janë paraqitur nga sektorë të ndryshëm të bizneseve. Përparësi i jepet individëve apo bizneseve që janë prekur në mënyrë të drejpërdrejtë nga kjo situatë. Nga ana tjetër për individët, të cilët qoftë për vonesa në marrjen e pagës, për reduktimin e pagës, ose kombinim I të dyjave i duhet dhe e ka të nevojshme që likuiditetin që i mbetet e ka të nevojshme ta përdorë për shpenzime bazike dhe t’i lërë anash detyrimet e financiare.”
Fondi i garancisë për kredi
“Gjatë javës së shkuar, të gjithë jemi të njohur me informacionin që lëviz në kohë reale dhe vlen për tu përgëzuar që të gjitha instancat, në sistemin bankar kanë reaguar në mënyrë të menjëhershme për tu gjendur në kohë reale pranë kërkesave të klientëve. Gjatë javës së shkuar u bë një konferencë ndërmjet CEO-ve dhe qeverisë referuar këtij fondi që do të ndihmojë kreditimin e bizneseve nga ana e bankës, të cilët pltoësojnë kushtet e procedurave bankare, për nivelin e pagave mujore për periudhën mars-maj 2020. ”
Credins Bank në shërbim të klientëve
“Përgjegjësia kryesore e çdo individi sot në nivel individual, por edhe komunitar është të ruhet, të mbrohet, të jetë i shëdnetshëm dhe të zbatojë masat e marra nga qeveria. Sistemi bankar vazhdon dhe do të jetë në shërbim të plotë brenda të gjitha normave, për t’iu përgjigjur të gjitha nevojave të klientëve. Është për tu përgëzuar nga të gjithë aktorët që kanë marrë pjesë në këtë situatë, një devotshmëri e jashtëzakonshme për të ofruar dhe mbrojtur atë normalitet nga jeta e mëparshme në këtë periudhë të vështirë. Nuk i dimë akoma afatet, as thellësinë dhe madhësinë në numra materialë të kësaj lloj krize, megjithatë nëse të gjtihë bashkë do respektojmë masat nga qeveria dhe do vazhdojmë me të njëjtin përkushtim në punën tonë, jam e bindur që do ja dalim.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.