Dëmet kolosale të vitit 2019 – Nga përmbytjet, tërmetet në Korçë e Tiranë, 7 milion dollarë të akumuluara për 2020
Ndërsa buxheti i shtetit me shumë gjasa do të duhet të përballojë kosto të jashtëzakonshme materiale të shkaktuara nga tërmeti i 26 nëntorit, ato do t’i shtohen shifrave që aktualisht janë të përballueshme për buxhetin e shtetit. Televizion Scan sjell të dhënat e paraqitura nga Kreu i Drejtorisë së Emergjencave Civile Haki Çako lidhur me efektet e fatkeqësive natyrore në buxhetin e vitit 2019 dhe parashikimet për 2020-ën.
Viti 2019 ka qenë mjaft i ngarkuar me fatkeqësi natyrore duke nisur nga reshjet e dendura ne janar me bllokimin e rrugëve, tërmeti i qershorit ne Korçe, zjarret me dëme te konsiderueshme, tërmeti i 21 shtatorit në Tiranë e Durrës. Nga arkat e qeverisë, sipas Çakos, janë nxjerrë rreth 1 miliardë lekë, afërisht 10 milionë dollarë për përballimin e dëmeve të shkaktuara prej tyre.
Ndërkohë që Kreu i Emergjencave Civile raporton se për vitin 2020 janë akumuluar një total prej rreth 7 milionë dollarësh në formën e detyrimeve të prapambetura për të prekurit nga fatkeqësitë. Çako tha se shlyerja e tyre do të bëhet pjesë pjesë në pamundësi për t’u përballuar nga buxheti i shtetit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.