Dita Botërore e Kancerit – Vokshi: Kemi 7 raste të reja çdo vit. Manastirliu: Teste falas për 17 mijë gra

Në Ditën Botërore të Kancerit, Partia Demokratike ka organizuar një marshim , duke vënë theksin ne numri tejet i lartë i personave që çdo vit preken nga kjo sëmundje. Ndërkohë që, ministrja Ogerta Manastirliu u ndal te programi i parandalimit të kancerit të qafës së mitrës, që parashikon teste falas për 17 mijë gra.

Gratë e moshës 40-49 vjeç mund të kryejnë falas testin për kancerin e  qafës së mitrës në çdo qendrës shëndetësore. Në Ditën Botërore të Kancerit, ministrja e Shëndetësisë dhe Mbrojtjes Sociale, Ogerta Manastirliu u ndal pikërisht te programi i parandalimit të këtij kanceri, duke shtuar se prej tij përfitojnë 17 mijë gra.

“Programi kombëtar i kontrollit mjekësor bazë apo programi i parandalimit të kancerit të qafës së mitrës që ofrohen në çdo qendër shëndetësore, po i shërbejnë ruajtjes së shëndetit të popullatës, për të kapur në kohë sëmundje me rrezik të lartë”

Ndërkaq, në kuadër të kësaj dite Partia Demokratike organizoi një marshim për ndërgjegjësimin qytetar në luftën kundër kancerit. Sipas ish-deputetet Albana Vokshi  shifrat në Shqipëri janë më shumë se alarmante,ndërkohë që niveli i shërueshmërisë mbetet i ulët

 20 raste të reja në ditë, të evidentuara vitin e kaluar me tumore ose 7 mijë raste të reja në një vit, duke përmendur këtu një shifër akoma më shumë frikësuese, që shërueshmëria e kësaj sëmundje në Shqipëri është vetëm 20-25%; në një kohë kur në Angli është 65-70% apo në Itali që është edhe vendi i parë në Europë shkon edhe 85-90% për lloje të ndryshme kanceri.

Vokshi akuzoi qeverinë se ka braktisur qytetarët , ndërsa apeloi për sensibilizim  e të gjithë për të kryer ekzaminimet e nevojshme, në mënyrë që të parandalojnë këtë sëmundje.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.