Donacion për arkeologjinë – 150 mijë euro për ngritjen e laboratorit të restaurimeve

Shqipëria tashmë do të këtë një laborator për restaurimin e objekteve arkeologjike. Projekti Heritage First Aid-Hefa i financuar nga Central Euroean Initiative, me vlerën prej 150 mijë eurosh ka filluar zbatimin e tij.

Në aktivitetin e organizuar për këtë investim të ri, drejtori i institutit Arkeologjik Luan Përzhita teksa e vlerësoi projektin kërkoi bashkëpunimin  e qeverisë për hapjen e një shkolle rajonale për restaurimin e objekteve arkeologjike në Shqipëri.

Për menaxherin e projektit Pietro Ivanoch D’Aleo ky investim do ndikojë në turizëm dhe ekonomi.

Në Shqipëri ka thesare arkeologjike që vijnë nga zbulime të periudhave të ndryshme. Sot numërohen rreth 120 mijë objekte te depozituara kryesisht në Tiranë, Durrës, Apolloni dhe Korçë.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.