DPT firmos marrëveshje me Universitetin e Tiranës – Çfarë përfitojnë studentët

Drejtoria e Përgjithshme e Tatimeve dhe Universiteti i Tiranës kanë firmosur marrëveshjen bashkëpunim, e cila konsiston në mundësimin e mbështetjes profesionale për studentët të përzgjedhur që synojnë të bëhen pjesë e AT dhe për studime të përbashkëta për tema diplome dhe doktorature e me gjerë.

“Rektori i UT, Artan Hoxha sё bashku me Drejtoreshёn e DPT, Delina Ibrahimaj, firmosёn kёtё marrёveshje duke synuar rritjen e kapaciteteve njerëzore si pjesë e procesit të zhvillimit, të forcimit të aftësive dhe resurseve të institucioneve respektive” shkruhet në njoftimin zyrtar të DPT-së.

Sipas njoftimit, kjo marrëveshje siguron:

• Planifikim dhe zhvillim të praktikave me studentët që përfundojnë studimet në Fakultetet e Ekonomisë dhe Drejtësisë të UT, duke ju dhënë përparësi studentëve ekselentë dhe duke i pajisur ata me certifikatë në fund të praktikës.
• Identifikimin, përzgjedhjen apo caktimin e personelit akademik, të cilët mund të kontribuojnë në hartimin e kurrikulave dhe zhvillimin e programeve të trajnimit profesional të stafit të DPT në bashkëpunim me Akademinë Fiskale.
• Shqyrtimin e mundësisë për hapjen e një programi studimi “Master Profesional në Politika Fiskale” me synim formimin e specialistëve konkurrues në këtë fushë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.