“Duhen politika nxitëse për investimet e gjelbra” – Hakani: Politikëbërësit të mbështesin bizneset, domosdoshmëri për zhvillimin e qëndrueshëm

Politikëbërësit duhet të mbështesin bizneset në kryerjen e investimeve të qëndrueshme, përmes politikave nxitëse në këtë drejtim”. Lira Hakani, nga Qendra Mjedisore “EDEN” thotë se në kuadër të axhendës 2030 për zhvillimin e qëndrueshëm, ndërmarrja e këtyre politikave është një domosdoshmëri.

Hakani shpjegon se axhenda për zhvillimin e qëndrueshëm vendos një balancë midis mjedisit, ekonomisë dhe mbrojtjes sociale, duke siguruar qëndrueshmëri në vitet e ardhshme.

Investimet e qëndrueshme janë pjesë e ekonomisë së gjelbër, që aktualisht është një koncept relativisht i ri e ku mjedisi nuk shërben më si pengesë, por si shtysë për të rritur ekonominë.  Këto lloj investimesh, jo vetëm që janë miqësore me mjedisin, por pasohen edhe me kursime në drejtim të shpenzimeve për fatura energjie.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.