Duke nisur nga ora 13:00 ndalohet qarkullimi në rrugë/ Cilët përjashtohen nga rregulli?

Në vijim të masave të ndërmarra për të përballuar gjendjen e krijuar nga Covid-19, janë caktuar dhe fashat e reja orare në të cilat qytetarët nuk do të mund të qarkullojnë përgjatë kësaj fundjave.

Ndalohet qarkullimi për të gjithë qytetarët dhe automjetet, prej orës 13:00 të datës 21.03.2020 deri në orën 05:00 të datës 23.03.2020.

Përjashtohen nga ky rregull:

– mjetet e transportit të mallrave dhe produkteve ushqimore vetëm për të furnizuar marketet dhe minimarketet;
– Policia e Shtetit;
– Forcat e Armatosura;
– SHPSF-të;
– Policia e Burgjeve;
– Njësitë kritike të shërbimeve shtetërore;
– Kompanitë mediatike;
– Personat e përfshirë në listat e bashkive për shërbime;
– Shërbimet në banesë (delivery)

Të gjitha autorizimet e dhëna nga Policia e Shtetit pezullohen, duke filluar nga ora 13:00 e datës 21.03.2020 deri në orën 05:00 të datës 23.03.2020.

Policia e Shtetit apelon për të gjithë qytetarët të respektojnë të gjitha kufizimet, pasi nuk do ketë asnjë tolerim për askënd që i shkel ato.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.