[Foto] Si duket terminali i ri i pasagjerëve në Portin e Vlorës – Denaj: Pritet të inaugurohet në muajin maj
Terminali i ri i pasagjerëve në Poritn e Vlorës pritet të jetë funksional në maj të këtij viti. Këtë e ka bërë të ditur ministrja e Financave dhe Ekonomisë, Anila Denaj, gjatë vizitës së saj në kantierin e punimeve për t’u njohur nga afër me situatën aktuale.
Sipas ministres, terminali i cili do të presë një fluks prej 2000 pasagjerësh do të pajiset me të gjithë infrastrukturën moderne të nevojshme.
“Zgjerimi i terminalit të pasagjerëve me vlerë 250 milionë lekë nga buxheti i shtetit, i cili do të presë një fluks prej 2000 pasagjerësh dhe do të jetë i pajisur me të gjithë infrastrukturën e kohës pritet të inaugurohet në muajin Maj të këtij viti.”
Ndërkohë, më tej ministrja Denaj është shprehur se rikonceptimi i zyrave ka përmirësuar shërbimet për bizneset, qytetarët por edhe për turistët e huaj.
“Përmirësimi dhe zgjerimi i sheshit të trageteve me vlerë 15 milionë euro me fondet e qeverisë italiane, si dhe rikonceptimi i zyrës së doganave kanë mundësuar shërbime më të mira për biznesin, qytetarët dhe turistët e huaj.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.