Gjendja e akseve rrugore – ARRSH: Ja cilat janë më problematike
Autoriteti Rrugor Shqiptar ka njoftuar rreth gjendjes aktuale në akset kryesore të vendit si pasojë e gjendjes së rënduar të motit.
ARRSH lajmëroi se gjendja në gjithë segmentet rrugore nga Qafë Mali deri në Qafë Muzinë është e rënduar për shkak të temperaturave te ulëta dhe reshjeve intensive te bores. Po ashtu, gjendja e rrjetit rrugor dhe kushtet e qarkullimit të automjeteve paraqiten si më poshtë:
Në Rajonin Verior Shkodër: Gjatë natës e deri më tani ka pasur reshje dëbore me intensitet. Sipas ARRSH, kontraktorët kanë bërë pastrimin dhe trajtimin me kripë të gjithë segmenteve rrugore. Qarkullimi kryhet me zinxhir në akset Kukës – Bushtricë dhe Kukës – Ura e Zapodit, Qafë Laç – Koman, Koplik – Bogë, Dedaj – Razëm. Edhe në segmentin Skuraj – Burrel – Klos – Bulqizë – Peshkopi aktualisht lëvizja e mjeteve kryhet pa zinxhirë, por ARRSH rekomandon përdorimin e zinxhirëve dhe gomave te borës pasi reshjet po intensifikohen.
Në rrugën Ura e Cerenecit – Steblevë, po punohet me borëpastruese dhe fadroma për pastrimin e rrugës dhe qarkullimi kryhet me zinxhirë vetëm në pjesën fundore.
ARRSH njofton se qarkullimi kryhet me zinxhirë në segmentet e mëposhtme:
Qafë Mali – Fierze (ka reshje me intensitet, rreth 20 cm bore), Qafë Qele – Pukë – Fushë Arrëz – Kukës, Shkodër – Hani i Hotit dhe Ura e Topojanit – Dogana Bllate. Firmat e mirëmbajtjes po punojnë intensivisht me borëpastruese e trajtim me kripë për pastrimin total të këtyre segmenteve.
Për sa i përket Rajonit Qendror Tiranë ARRSH lajmëroi për reshje shiu dhe bore dhe se në akset e Dajtit po punohet nga kontraktori për pastrim dhe trajtim me kripë. Segmenti Qafë Priskë – Qafë Mollë – Shengjergj, Trau Dajt – Teleferik qarkullohet me zinxhirë. Reshje te dobëta ka pasur ne Gjinar dhe Stebleve. Po punohet intensivisht për pastrimin e akseve. Deri tani nuk ka probleme. Ne Librazhd – Qafe Thane, ka pasur reshje me intensitet. Qarkullimi rekomandohet me zinxhirë.
ARRSH njoftoi se në Qarqet Korçë dhe Gjirokastër ka reshje me intensitet te lartë. Ne akset e Korçës trashësia e borës shkon rreth 20 cm. Ne akset e Dardhës, Voskopojës, Korçë – Qafe Qarri – Ersekë, Liqenas – Dogana Goricë, qarkullohen me zinxhirë. Aksi Kryesor Qafë Thanë – Pogradec – Korçë – Kapshticë, qarkullohet me zinxhirë.
Edhe segmentet Tepele – Dorez – Qafe Dushk dhe Sevaster – Kalivac, Përmet – Carshove, Ura e Leklit – Kelcyre , Jorgucat – Muzine – Syri i Kaltër, Gjirokastër-Tepelene dhe Gjirokastër Kakavijë, qarkullohet vetëm me zinxhirë. Rruga Dukat – Llogara – Sarande është e hapur dhe qarkullohet pa zinxhirë.
Në përfundim të njoftimit Autoriteti Rrugor Shqiptar tha se sipas parashikimit meteorologjik moti do te përkeqësohet, do ju njoftojmë here pas here për ndryshimin e gjendjeve te akseve kryesore. Rekomandohen përdoruesit e rrugës të tregojnë kujdes dhe të respektojnë sinjalistikën rrugore. Të vendosen zinxhirë në akset e lartpërmendura, të respektohen udhëzimet e Policisë së Qarkullimit Rrugore, të lëvizin me shpejtësi të reduktuar dhe të përdorin gomat e dimrit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.