Godina e Tatimeve merr “certifikimin”, s’ka pasoja nga tërmeti. Njoftimi: Vijojmë punën normalisht

Pas inspektimit të thelluar nga specialistët e Institutit të Ndërtimit rezulton se Drejtoria Rajonale Tatimore e Tiranës nuk ka dëmtime në strukturë dhe është e sigurt.

“Menjëherë pas konstatimit paraprak të dëmit nga tërmeti i datës 26 nëntor, godina është inspektuar nga specialistë të Institutit të Ndërtimit, të cilët vlerësuan nevojën e një vlerësimi të thelluar mbi qëndrueshmërinë e godinës dhe sigurinë e saj.

Nga inspektimi i dytë i cili përfundoi ditën e sotme, ambientet e Drejtorisë Rajonale të Tiranës u vlerësuan të sigurta  ndërsa ka nisur puna për riparimin e dëmtimeve në rifinitura. Gjatë këtyre ditëve, të gjitha shërbimet për tatimpaguesit janë ofruar pa ndërprerje në sportelet e shërbimit, në ambjentet e Drejtorisë së Shërbimit të Tatimpaguesit, Tiranë, pranë kryqëzimit të 21 Dhjetorit.

Pas çertifikimit si godinë e sigurt, punonjësit po vijojnë sot punën në këto ambiente, me kufizimin e përdorimit të ashensorit” njoftojnë Tatimet. Ndryshe nga ndodhur me godinën e Doganave që është dëmtuar më së shumti nga tërmetet. Gjithsesi,ashtu si Tatimet,edhe doganat vijojnë ofrimin e shërbimeve pa ndërprerë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.