Hapet tenderi/ Rikualifikim lagjes “5 shtatori” në Çorovodë! Do të shemben godinat e vjetra, do të krijohen ambiente rekreative
Bashkia Skrapar, me fondin 1,7 milionë lekë kërkon të realizojë projektin e zbatimit (studim projektimin) për objektin: “Rikualifikimi urban i ambjenteve rekreative si dhe restaurimi i fasadave të objekteve të lagjes 5 Shtatori Çorovodë”, për bllokun e ndërtesave që kufizohet nga rrugët ”Mestan Ujaniku” dhe ”Demir Nuhellari”.
Ky bllok ka sipërfaqe rreth 10 mijë m² ku dominojnë pallate. Rrjeti i kanalizimeve të ujërave të shiut nuk egziston dhe ujrat derdhen në mënyrë të pa kontrolluar. Rrugët që konturojnë zonën, janë të pajisura me ndriçim të përshtatshëm rrugor.
“Projekti parashikon prishjen e disa ndërtesave një katëshe, të ndërtuara ne fillim të viteve ’90.kryesisht garazhe duke përfituar hapësirë publike.Në zonat ekzistuese në brendësi të bllokut ndriçimi mungon plotësisht.
Terreni në brendësi të bllokut është i pjerrët, me diferencë kuotash, dhe krejtësisht i pa sistemuar.Fasadat e pallateve të suvatuar janë të amortizuara.Projekti konsiston në rikualifikimin urban të bllokut të banimit duke sistemuar hapësirat e këtij blloku, me qëllim krijimin e ambienteve rekreative dhe sistemimin, në mënyrë që hapësirat publike të përdoren nga të gjitha grupmoshat e banorëve të bllokut.
Koncepti synon të nxisë dhe stimulojë ushtrimin e aktiviteteve te ndryshme rekreative dhe bashkëveprimin midis banorëve” shkruhet në dokumentet e tenderit.
Afati i aplikimeve për këtë tender është deri me 24 shkurt 2020.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.