Hapet zyrtarisht Programi Kombëtar i Praktikave të Punës 4 – 28 shkurti, afati i fundit për aplikim

Është hapur zyrtarisht ditën e sotme thirrja e katërt e Programit Kombëtar të Praktikave të Punës. Lajmin e ka bërë të ditur ministrja e Arsimit, Sportit dhe Rinisë, Besa Shahini, e cila ka ftuar të gjithë të rinjtë nga mosha 21-26 vjeç që të aplikojnë për të përfituar nga një eksperiencë pune në Administratën Publike.

Këta të fundit duhet të kenë përfunduar ciklin e parë të studimeve Bachelor në mënyrë që të kenë mundësi të bëhen pjesë e këtij programi. Sipas Shahinit, aplikimet do të jenë të hapura deri më 28 shkurt 2019.

“Sot hapet zyrtarisht Programi Kombëtar i Praktikave të Punës #4. Të gjithë ju të rinj, nga 21 – 26 vjeç, që keni përfunduar minimalisht ciklin e parë të studimeve “Bachelor”, nxitoni të aplikoni në http://praktika.arsimi.gov.al/ . Aplikimet janë të hapura deri më 28 shkurt 2019. Ky është momenti yt!”

Praktika e punës do të jetë pa pagesë dhe programi do të ofrojë 1855 pozicione praktike, më konkretisht në:

• 15 institucione shtetërore qendrore
• 105 institucione të varësisë
• 50 njësi të vetëqeverisjes vendore
• 12 shoqëri tregtare

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.