Instat/ Ku jetohet më ‘ngushtë’ në Shqipëri?

Qarku i Kukësit është qarku në të cilin banorët jetojnë më ngushtë në Shqipëri. Sipas Vjetarit Statistikor Rajonal, në vitin 2018, përqindja më e lartë e familjeve të cilat jetojnë në banesa me sipërfaqe nga 51-90 m2, është regjistruar në qarkun e Kukësit. Saktësisht, 61.7%

Në fakt, në bazë të të dhënave të vjetarit të Instat, më shumë se gjysma e familjeve në Shqipëri jetojnë në banesa, sipërfaqja e të cilave varion nga 51- 90 m2. Banesat, sipërfaqet e të cilave variojnë nga 91- 130 m2, renditen në vendin e dytë përsa i përket përqendrimit të familjeve në to, me 33.9%

Ndërsa, nëse qarku i Kukësit është qarku me hapësirat më të vogla të banimit për familje, ai i Elbasanit regjistron % më të lartë të familjeve që jetojnë në banesa me sipërfaqe 91- 130 m2. Sipas të dhënave të Instat, 39.6% e familjeve në qarkun e Elbasanit, kanë banesa ‘të bollshme’.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.