Investimet strategjike, zgjatet afati me një vit – Shkak mungesa e ligjit të ri, subjektet nuk kanë pengesa për marrjen e statusit

Subjektet investuese te interesuara per përfshirjen ne procedurat per përfitimin e statusit “lnvestim apo investitor strategjik”, do të kenë afat për paraqitjen e kërkesave deri më 31 dhjetor 2021.  Projektligji, “Per një ndryshim ne ligjin “Per investimet strategjike ne Republikën e Shqipërisë”, te ndryshuar”, i  propozuar nga deputetët Milva Ekonomi dhe Ervin Bushati, është diskutuar në Komisioni e Ekonomisë, ku dhe janë sqaruar arsyet e zgjatjes së afatit. Sipas ligjit aktual, investitorët e kanë këtë të drejtë deri në fund të këtij viti.

Projektligji është miratuar unanimisht në Komisionin e Ekonomisë, pavarësisht se deputetët e opozitës kanë kërkuar që të përfundojë sa më shpejt ligji i plotë për investimet strategjike në Shqipëri. Në relacion argumentohet se vitin e kaluar, u zgjat afati deri me 31 dhjetor 2020, dhe u evidentua fakti se Ministria e Financave po punonte per hartimin e një projektligji te ri “Per investimet” dhe se ky afat do te ishte i mjaftueshëm per përfundimin e te gjitha procedurave ligjore te nevojshme per miratimin e këtij akti te ri. Por per shkak te pandemisë Covid 19, Ministrisë se Financave, i është dashur te mobilizoje te gjitha kapacitetet e saj në përballimin  e situatës, duke e bërë të pamundur finalizimin e projektligjit te ri “Per investimet”.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.