Java në Vetting – Përpara Komisionit, Kryeprokurorja e përkohshme Arta Marku

Java e parë e korrikut do të jetë ndër më të rëndësishmet për Komisionet e Vetting-ut që prej nisjes së punës së tyre. Këtë të martë është radhe e Kryeprokurores së Përkohshme Arta Marku të paraqitet përpara Komisionit të Pavarur të Kualifikimit, për t’iu nënshtruar testit të pasurisë, të integritetit personal dhe profesionalizmit.

Duket se Arta Marku është në prag të konfirmimit në detyrë duke parë pasurinë modeste. Ajo zotëron 1/3 e një apartamenti 55 metra katrorë, mesa duket të privatizuar bashkë me prindërit, si dhe një apartament me vlerë 103 metra katrorë të blerë me kredi bankare.

Një ditë pas Arta Markut, përpara Komisionit të Pavarur të Kualifikimit do të paraqitet Alma Brati, gjyqtare pranë Gjykatës së Rrethit Gjyqësor Tiranë.

Ndërkohë që javën e fundit të qershorit, Komisioni i Pavarur i Kualifikimit ka marrë një tjetër vendim të rëndësishëm, atë të ndërprerjes së Vetting-ut për Gjyqtaren e Tiranës Brunilda Kasmi. Komisioni ka vendosur të ndërpresë procedurën e rivlerësimit ndaj saj, pasi Kasmi paraqiti dorëheqjen nga detyra për arsye familjare.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.