Kemi rekord europian për martesat – Eurostat: Shqiptarët, populli që martohen më shumë

Shqiptarët janë populli që martohet më shumë. Jo vetëm shqiptarët e Shqipërisë, por edhe ata të Kosovës. Sipas të dhënave më të fundit të publikuara nga Eurostat, pikërisht në ditën e Shën Valentinit, Shqipëria rezulton të jetë vendi me më shumë martesa në Europë.

Të dhënat i referohen vitit 2018 dhe tregojnë se në Shqipëri u kryen 8.1 celebrime për çdo 1000 banorë, si asnjë vend tjetër në europë, ndërkohë që mesatarja e Bashkimit Europian fiksohet në 4.4. Për Kosovën të dhënat nuk janë të rifreskuara për vitin 2018-të, por ato të 2017-ës, tregojnë se numri i martesave ka qenë 9.6 për çdo 1000 banorë.

Të dhënat tregojnë se me Shqipërinë mund të garojë në këtë renditje vetëm Qipro, me 7.8 martesa, e ndjekur nga Rumania me 7.4 dhe Lituania e Letonia, me 7 dhe 6.8 respektivisht. Ndër vendet europiane me më pak martesa rezulton Luksemburgu në vend të parë, me vetëm 3.1 të tilla për 1000 banorë, ndjekur nga Italia, Portugalia dhe Spanja.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.