Këtë mësim duhet ta harroni pasi të mbaroni shkollën – Guy Kawasaki: “Në biznes disa gjëra funksionojnë ndryshe”

Shkolla mund t’ju mësojë shumë gjëra të rëndësishme duke filluar që nga mënyra se si të zhvilloni hulumtime, si të menaxhoni kohën tuaj apo si të mësoni shpejt një subjekt të ri.

Shkolla është një kohë e rëndësishme për rritjen personale dhe atë profesionale.

Por sipas Guy Kawaski, sipërmarrës i Silicon Valley si dhe ish punonjësi i Apple, ka një mësim që shumica e të rinjve mësojnë në universitet por që do të ishte më mirë ta harronin atë që kanë mësuar.

Është ide e gabuar thotë ai, që për të komunikuar në mënyrë efektive duhet të përdorni shumë fjalë për të plotësuar faqe pas faqe.

“Më duket se në shkollë gjithçka ka të bëjë me minimumin, 5 faqe minimum apo 10 faqe minimumi, tha Kawasaki për CNBC.

“Më pas pasi mbaroni shkollën ju merreni me biznes dhe kuptoni që gjithçka është një maksimum prej 5 fjalish. Është një ndryshim i plotë, është e qenësishme që punonjësit e rinj të mësojnë si të përmbledhin një email, telefonatë apo bisedë të caktuar”, shprehet Kawasaki.

“Unë mendoj se është e rëndësishme të jesh në gjendje të shkruash një email me pesë fjali por të mirëpërmbledhur”, tha ai.

Hulumtimet kanë treguar se menaxherët preferojnë punonjësit të cilët mund të dërgojnë një mesazh të qartë, të shkurtër dhe të përmbledhur si dhe ta shprehin një ide shkurtimisht. Ato përgjigjet dhe fjalimet e gjata që ndoshta keni mbajtur në shkollë nuk do t’ju hyjnë në punë gjatë karrierës suaj.

Në fakt, Julie Sweet, drejtoresha e biznesit të Accenture në Amerikën e Veriut thotë se aftësia për të shkruar një email të shkurtër i cili përmban të gjithë thelbin e asaj që është e rëndësishme është një aftësi të cilën çdo shef e pëlqen.

Për t’u bërë një komunikues më i zotë, ajo sugjeron shënime përpara një takimi apo një draft të dokumentit përpara se të dërgoni një email.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.